Bazar Ki Samaj

Terms and conditions

Ye shartein Bazar Ki Samaj course (website, lessons aur "Mera course" dashboard) ke istemaal pe lagti hain. Account banake ya course kharid ke aap inhe maante ho.

Seller

Bazar Ki Samaj (seller ka legal naam jald). Sampark: Contact page.

Course kya hai

Share market ki shiksha ka online course: 45 lessons, har lesson mein animated film, sawaal, practice machine aur rating. Lesson 1 sabke liye free hai. Basic (₹499) mein L01–L15 aur Poora course (₹999) mein saare 45 lessons milte hain. Basic ke baad poora course ₹500 aur dekar milta hai. Lessons har raat ek-ek karke judte hain; saare 45 lagbhag 7 Dec 2026 tak.

Sirf shiksha

Course sirf padhai ke liye hai. Hum SEBI-registered investment adviser ya research analyst nahi hain. Koi stock tip, buy/sell salah ya kamaai ka vaada nahi. Share market mein paisa doob bhi sakta hai; nivesh ka har faisla aur zimmedari aapki. Lessons ka price data kam se kam 30 din purana hota hai.

Payment aur access

Payment Cashfree Payments ke zariye hota hai; card, UPI ya bank ki details hum tak nahi aati. Price ek baar ka hai, koi monthly fee nahi. Payment pakka hote hi course aapke account mein khul jaata hai ("Mera course"). Access kam se kam 12 mahine, saare updates ke saath.

Account

Account sirf aapke apne istemaal ke liye hai. Password kisi ko na batayein. Lessons, film ya screens ko copy karke bechna ya baantna mana hai; aisa karne pe access band kiya ja sakta hai.

Refund

Kharidne ke 7 din ke andar maangne pe poora refund. Tareeka: Refund page.

Badlav

Course ya in sharton mein badlav ho to is page pe tareekh ke saath likha jayega. Bharat ke kanoon lagu hote hain.

Last update: 18 Oct 2026